काभ्रे,
आज रोशी गाउँपालिका वडा न. ९ थाक्लेमा उन्नत मकै विऊ उत्पादन प्रविधि कृषक स्तरीय तालिम सुरुवात भएको छ । रोशी गाउँपालिकाको कृषि विकास शाखाको आयोजनामा महाकाली मिश्रित कृषक समूहका सम्पूर्ण सदस्यहरुलाई उक्त तालिम प्रदान गरिएको कृषि शाखाका प्रमुख समिता तामाङले जानकारी दिनुभयो । तालिमको उद्घाटन शत्रमा भिम बहादुर तामाङको अध्यक्षतामा रोशी गाउँपालिकाको उपाध्यक्ष मिम बहादुर वाईवाको प्रमुख आतिथ्यता, रोशी गाउँपालिका वडा नम्बर ११ का वडा अध्यक्ष लालकुमार पाख्रिन, रोशी ९ को वडा सदस्य मिना भुजेलको आतिथ्यतामा उक्त तालिम कार्यक्रमको उद्घाटन भएको हो ।
३ दिने यस तालिमको आज पहिलो दिनमा मकै खेती प्रविधि, उन्नत मकै विऊ उत्पादनका लागि आवश्यकता र तरिकाबारे कृषकहरुलाई तालिम प्रदान गरिएको कृषि शाखा प्रमुख समिता तामाङले जानकारी दिनुभयो ।
