काभ्रे,
नेपाली कांग्रेसका पुरानो नेता एवं साविक भिमखोरी वडा नं.७ को वडा अध्यक्ष शेर बहादुर थिङको सम्झनामा आज (शनिबार) श्रद्धाञ्जली सभा सम्पन्न भएको छ । सवारी दुर्घटनामा परि शेर बहादुर थिङको आषाढ १५ गते उपचारको क्रममा काठमाडौको ब्लुक्रस अस्पतालमा निधन भएको थियो ।नेपाली कांग्रेस वडा कार्यसमिति रोशी गाउँपालिका वडा नं १२ को आयोजनामा स्वर्गीय थिङको श्रद्धाञ्जली सभा भक्तपुर पार्टी भेन्यू सुर्यविनायकमा भएको हो ।
स्वर्गीय थिङ नेपाली कांग्रेसको पुरानो नेता एवं नेपाली कांग्रेसको तर्फबाट २०५४ सालको स्थानीय निर्वाचनमा साविक भिमखोरी गा.वि.स. वडा नं ७ को वडा अध्यक्ष निर्वाचित हुनुभएको थियो । उँहाले द्वन्द्वकालमा समेत कांग्रेसलाई बचाएर राख्न महत्त्वपूर्ण योगदान पु¥याउँनुभएको छ । उँहाले रजनीतिक तथा सामाजिक जिवनकालमा पुयाउँनुभएको योगदानको चर्चा गर्दै जिल्ला सभापति तिर्थ लामाले स्व. थिङको निधनबाट पार्टीलाई ठुलो क्षति भएको बताउनुभयो ।
कार्यक्रममा नेपाली कांग्रेस काभ्रेको पुराना नेता शंखबुध्द लामाले २०५४ सालको निर्वाचन कांग्रेसको लागि कठिन भए पनि स्व. तामाङको राम्रो छविको कारण साविक भिमखोरी ७ मा जित्न सजिलो भएको बताउनुभयो । नेपाली कांग्रेस जिल्ला सचिव गुणराज मुक्तानले, स्वर्गीय थिङको निधनबाट पार्टीलाई पुगेको क्षतिपुर्तिको लागि स्व. थिङले देखाएको सत्मार्गमा पार्टीलाई अगाडि बढाउनु पर्ने बताउनुभएको छ ।
रोशी गाउँपालिका अध्यक्ष एवं क्षेत्रीय सभापति दिनेश लामाले पार्टीको नेताको सम्मानको लागि गरिएको सम्मान प्रति वडा कार्यसमितिलाई धन्यवाद दिनुभएको छ । कार्यक्रममा जिल्ला समन्वय समिति काभ्रेको उप प्रमुख रिम बहादुर तामाङ, महासमिति सदस्य शार्किमान बल, प्रदेश सभा क्षेत्रीय सभापति हरु चन्द्र लामा र राम योन्जन, प्रदेश अधिवेशन प्रतिनिधि विलाम मोक्तान, वडा अध्यक्ष बसन्त तामाङ, रोशी काठमाडौ सम्पर्क समिति सभापति मनिष बल, पुर्व गाउँ सभापति मान बहादुर स्याङ्तान, तिलक बहादुर राय लगायतले स्वर्गीय शेर बहादुर थिङको बारेमा चर्चा गर्नुभएको छ ।
स्वर्गीय थिङको एक श्रीमती, तीन छोरा र एक छोरी रहेका छन् । जेठो छोरा उपेर सिं थिङ पोक्रा माविको प्रधानाध्यापकको रुपमा छन् भने २ छोरा संयुक्त राज्य अमेरिका र जापानमा रहदै आएका छन् । नेपाली कांग्रेस जिल्ला सभापति तीर्थ लामाको सभापतित्वमा सम्पन्न श्रद्धाञ्जली सभामा रोशी गाउँपालिका वडा नं १२ को कार्कर्ताहरुको उपस्थिति रहेको थियो ।
