काभ्रे,
सानो उमेर तर बेजोड प्रतिभा रहेको,द भ्वाइस अफ किड्स नेपालबाट चर्चाको शिखरमा पुग्न सफल बाल गायिका प्राप्ती तामाङको स्वरमा रहेको “ घडी होइन समय देऊ” बोलको गीतको म्युजिक भिडियो जिग्मे मिडियाबाट बजारमा आएको छ ।
सिन्धुलीयन गुराँसको शब्द,रुप कुमार तामाङको सङ्गीत र पवनवाङ लामाको सङ्गीत संयोजन रहेको गीत डिजिटल काठमाडौँमा रेकर्ड गरिएको थियो । यस भिडियोमा श्रीमान श्रीमती बीचमा अघात माया हुँदा हुँदै पनि कार्य व्यस्तताका कारण परिवारलाई समय दिन नसक्दा परिवारमा उत्पन्न हुने समस्यालाई देखाउन खोजिएको छ । सञ्चारकर्मी तथा कलाकार नरेन भट्टराइको निर्देशनमा तयार भएको भिडियोमा नारायण श्रेष्ठ,सञ्चिता गिरी,प्रविन मैनाली,तुलसा श्रेष्ठ,अप्सरा ,सौरभ मैनाली लगायतको अभिनय रहेको छ । डिबिट लामा पाख्रीनले खिचेको र सम्पादन गरेको यश भिडियो काभ्रेको भकुण्डेबेसीँ आसपासमा छायाङ्कन गरिएको निर्देशक भट्टराइले बताउनुभएको छ ।
