काभ्रे ,
नमोबुद्ध नगरपालिकाको आयोजनामा श्री पञ्चमुखी महिला बिकास बचत तथा ऋण शहकारी संस्थाको सह–आयोजना र पुष्प बिकास केन्द्र, बाग्मती प्रदेशको सहकार्यमा नमोबुद्ध नगरपालिका वडा न। ९ मा ५ दिने पुष्प खेती तथा व्यवस्थापन सम्बन्धी तालिमको उद्घाटन कार्यक्रम सम्पन्न भएको छ । नगरपालिका भित्रको वडा न। ९,१० र ११ को महिला दिदिबहिनीहरुको सहभागिता रहेको ५ दिने तालिममा ३० जनालाई सहभागी गराईने र तालिम फागुन ८ गते देखी १२ गते सम्म संञ्चालन हुने नगरपालिका महिला बालबालिका तथा जेष्ठ नागरिक शाखा प्रमुख तारा सुनुवारले जानकारी दिनुभयो ।
आज वडा न। ९ को सभाहलमा आयोजित उद्घाटन समारोहका प्रमुख अतिथी एवं वडा न। ९ का वडा अध्यक्ष विर बहादुर लामा ले पञ्चमुखी महिला बिकास बचत तथा ऋण शहकारी संस्थाले बिगतमा महिलाको हितको लागी बिभिन्न कार्यक्रमहरुको आयोजना गदै आएको र यो तालिमले महिलाहरुलाई उद्यमी बनाउदै वडा न। ९ लाई पुष्प पकेट क्षेत्रको रुपमा बिस्तार गर्न सहयोग गर्र्ने बताउनुभयो । तालिम प्रभावकारी रहने र तालिम पश्चात सहभागीहरुले लिएको सिप र ज्ञानलाई सदुपयोग गरेर वडाले आगामी दिनहरुमा सहयोग गर्ने प्रतिबद्धता व्यतm गर्नुभयो ।
पञ्चमुखी महिला बिकास बचत तथा ऋण शहकारी संस्थाका अध्यक्ष अन्जली तामाङको अध्यक्ष्यतामा संञ्चालित उद्घाटन सत्रमा संस्थाका संस्थापक अध्यक्ष्य एवं नगरस्तरिय महिला सहकारी संञ्जालका अध्यक्ष्य राधिका तिमल्सिनाले तालिम उपलब्धीमूलक रहोस भन्नका लागी संस्थाले निश्चित सहभागी छनौटका गरिएको र संस्थाले पुष्प खेतीलाई समय सापेक्ष रहेकाले वडाका महिला दिदिबहिनीहरु लाई रोजगारीको अवसर समेत सृजना गर्नका लागी तालिम संञ्चालनमा ल्याईएको बताउनुभयो ।
तालिम सहजिकरण एवं प्रशिक्षकको रुपमा रहनुभएका सुमन्त पोख्रेलले नेपालमा पुष्पको वर्तमान अवस्था, महत्व, सम्भावना र चुनौतीहरुको बारेमा जानकारी दिनुहुदै तालिम अवधिभर विभिन्न प्रशिक्षकहरुले विभिन्न तालिमहरु दिने बताउनुभयो । उद्घाटन कार्यक्रममा कार्यपालिका सदस्य गोपाल नेपाली, गिता श्रेष्ठ, शिक्षा समिती सदस्य मीना लामा, सह–आयोजक संस्थाका सचिव अनिता लामा, कोषाध्यक्ष पुर्णिमा श्रेष्ठ, समाजसेवी एवं स्थानीयको उपस्थिती रहेको थियो ।
