काभ्रे,
रोशी गाउँपालिकामा सामुदायिक तथा छाडा कुकुरहरुलाई स्थायी बन्ध्याकरण तथा रेविज विरुद्धको खोप लगाइएको छ । केही समय अघि रोशी ९को रजबाजमा रेविजको संक्रमण भएको कुकुर फेला परेपछि भयावह बनेको उक्त समुदायमा गाउँपालिकाको अध्यक्ष दिनेश लामाको नेतृत्वमा स्वास्थ्य शाखा टोली तथा पशु सेवा शाखाको टोलीले तुरुन्त निरीक्षण तथा परीक्षण गरी रेविज विरुद्धको खोप प्रदान गरिएको थियो । फेरि पनि रोगको संक्रमण बढ्न नदिन र समुदायमा सामुदायिक तथा छाडा कुकुरहरुको संख्या फैलन नदिन हाल कुकुरहरुलाई समुदायमै गएर स्थायी बन्ध्याकरण तथा रेविज विरुद्धको खोप प्रदान गरिएको पशु सेवा शाखाका प्रमुख रघुनी शाहले जानकारी दिनुभयो । कार्यक्रम गाउँपालिका प्रमुख दिनेश लामा, उपाध्यक्ष मिमबहादुर वाईवा, प्रमुख प्रशासकियअधिकृत रामबहादुर तामाङ तथा पशु शाखाका प्राविधिक टोलीको उपस्थितिमा सम्पन्न भएको पशुसेवा शाखा प्रमुख शाहले जानकारी दिनुभयो ।
