काभ्रे,
आज देशैभर भारी वर्षाको सम्भावना रहेको मौषम पूर्वानुमान महाशाखाले जनाएको छ । महाशाखाका अनुसार केही भू–भागमा आज धेरै पानी पर्ने सम्भावना रहेको छ । अहिले पनि गण्डकी प्रदेशका केही वाग्मती, लुम्बिनी र कर्णाली प्रदेशका थोरै तथा बाँकी प्रदेशका एकदुई स्थानमा हल्कादेखि मध्यम वर्षा भइरहेको छ । दैनिक जनजीवन, जनस्वास्थ्य, कृषि, सडक तथा हवाई यातायात प्रभावित हुनसक्ने भन्दै विभागले आवश्यक सतर्क रहन आग्रह गरेको छ ।
दिउसो कोसी, मधेस, वाग्मती, गण्डकी, लुम्बिनी र सुदूरपश्चिम प्रदेशका एकदुई स्थानमा मेघगर्जन र चट्याङसहित भारी वर्षाको समेत सम्भावना रहेको महाशाखाले जनाएको छ । त्यस्तै राती पनि देशभर पूर्ण बदली हुने सम्भावना रहेको छ । देशभर भारीदेखि धेरै भारी वर्षाको समेत सम्भावना रहेकाले नदीको जल सतह बढ्ने, गेग्रान बहाव, बाढी, पहिरो, भू–क्षयजस्ता प्रकोपको सम्भावना रहेको जल तथा मौषम विज्ञान विभागले बताएको छ ।
