रोशी सहकर्मी–जेठ १७,
२०७७,काभ्रे/

आर्थिक बर्ष २०७७/०७८ का लागि सङघीय सरकारले काभ्रेका स्थानीय तहलाई करोडौ रुपियाँ छुट्याएको छ । जिल्लाका १३ स्थानीय तहलाई समानीकरण, सशर्त र समपुरक अनुदान गरी सङघीय सरकारले उक्त बजेट उपलब्ध गराएको हो ।

काभ्रेका १३ वटा स्थानीय तह मध्ये सबै भन्दा बढी बनेपा नगरपालिकामा परेको छ । बनेपा नगरपालिकाका लागि ५२ करोड १० लाख छुटयाइएको छ । त्यस्तै पनौती नगरपालिकामा ४४ करोड ५२ लाख, धुलिखेल नगरपालिकामा ४० करोड ४६ लाख, पाँचखाल नगरपालिकामा ३९ करोड २२ लाख रुपियाँ रहेको छ ।

रोशी गाउँपालिकामा ३८ करोड ४९ लाख, नमोबुद्ध नगरपालिकामा ३८ करोड ८ लाख, मण्डनदेउपुर नगरपालिकामा ३५ करोड ३८ लाख, चौँरीदेउराली गाउँपालिका ३२ करोड ६८ लाख, भुम्लु गाउँपालिकामा २८ करोड ३७ लाख तेमाल गाउँपालिकामा २७ करोड ८८ लाख, महाभारत गाउँपालिका २६ करोड ८२ लाख रहेको छ ।

यसैगरी बेथानचोक गाउँपालिकामा २४ करोड २२ लाख र खानीखोला गाउँपालिकामा २० करोड १८ लाख रहेको छ ।

Facebook Comments