रेडियो रोशी,
काभ्रे जिल्लाका तेमाल गाउँपालिकामा क्षयरोगको बार्षिक समिक्षा तथा कोहर्ट विश्लेषण सम्बन्धि स्वास्थ्य संस्था स्तरीय गोष्ठी सम्पन्न भएको छ । जिल्ला स्वास्थ्य कार्यालय काभ्रेपलाञ्चोकका क्षयरोग सम्बन्धी अधिकृत राजाराम अधिकारीको अध्यक्षतामा बार्षिक समिक्षा सम्पन्न भएको हो । गाउँपालिकाले टि.बि (क्षयरोग) परीक्षण सम्बन्धी अभियान नै सञ्चालन गरेको गाउँपालिका स्वास्थ्य शाखा प्रमुख शिबहरी पाठक ले जानकारी दिनुभयो । अभियनकै क्रममा नारायणस्थान स्वास्थ्य चौकि, मेच्छे स्वास्थ्य चौकि तथा सामुदायिक स्वास्थ्य ईकाइ सरस्युुखर्कमा यो अभियान सञ्चालन भईसकेको छ भने हालसम्म १० जनामा टि.बि (क्षयरोग) पुष्टि भएको छ । संक्रमितहरुलाई उपचारको दायरामा ल्याउने तयारी गरीएको स्वास्थ्य शाखा प्रमुख शिबहरी पाठक ले जानकारी दिनुभयो । गाउँपालिका भित्रका अन्य बाकि स्वास्थ्य चौकि , स्वास्थ्य ईकाइहरुमा पनि क्रमिक रुपमा यो अभियान सञ्चालन गरिने उँहाले बताउनुभयो ।
कार्यक्रममा बोल्दै उपाध्यक्ष दलमान थोकर (डि.एम) ले यस अभियानको लक्ष्य अनुसार उपलब्धी हासिल गर्न सफल भएको बताउनुभयो । उँहाले गाउँपालिका भित्र क्षयरोग परीक्षणको दायरालाई अझ बढाउन लागिपर्ने बताउनुभयो । गाउँपालिकाले नागरिकको स्वास्थ्यलाई पहिलो प्राथमिकतामा राखेको बताउदै उँहाले आगामी दिनहरुमा पनि विभिन्न प्रकारको स्वास्थ्य सिविरको आयोजना गर्ने बताउनुभएको छ ।
कार्यक्रममा गाउँपालिकाका उपाध्यक्ष दलमान थोकर (डि.एम) , प्रमुख प्रशासकिय अधिकृत केदार ढकाल , गाउँपालिका भित्रका स्वास्थ्य संस्थाका सम्पुर्णको सहभागि ता रहेको थियो ।
