काभ्रे,रेडियो रोशी,
काभ्रे जिल्लाको नमोबुद्द नगरपालिकामा फागुन १ देखि ६ गतेसम्म सञ्चालन हुने पाठेघरको मुखको क्यान्सर विरुद्धको खोप (एच.पि.भी.) दिन खटिने स्वास्थ्यकर्मीहरुलाई अभिमुखीकरण गराईएको छ । आज नगरप्रमुख तथा पालिका स्तरीय खोप समन्वय समितिका संयोजक कुन्साङ लामाको अध्यक्षतामा जनस्वास्थ्य कार्यालय काभ्रेले अभिमुखीकरण गराएको हो ।
कार्यक्रमलाई सम्बोधन गर्नुहँुदै नगरप्रमुख तथा पालिका स्तरीय खोप समन्वय समितिका संयोजक कुन्साङ लामाले एचपिभी खोपले पाठेघरको मुखको क्यान्सर जस्ता खतरनाक रोगहरूबाट बचाउन मद्दत गर्ने भएकाले सबै नगरवासीहरूलाई यो अभियानमा सक्रिय रूपमा सहभागी हुन र आफ्ना लक्षित वर्गका छोरीहरुलाई खोप लगाउनको लागि प्रेरित गर्न आग्रह गर्नुभयो ।
त्यसैगरी नगरपालिकाका प्रमुख प्रशासकीय अधिकृत कृष्ण गिरीले नेपाल सरकारले सञ्चालन गर्न लागेको यो निःशुल्क खोप अभियानमा लक्षित बर्गका सबै किसोरीहरुले खोप लगाउन पर्ने बताउनुभयो । त्यस्तै सम्पुर्ण भ्याक्सिनेटरहरुलाई यो खोपको प्रभावकारिता बारे सम्पुर्ण किसोरिहरु तथा अभिभावकहरुलाइ समेत जानकारी गराउन अनुरोध गर्नुभयो । यो खोपको बारे समाजमा भएका भ्रमहरुलाइ चिर्दै अघि बढ्न अनुरोध गर्नुभयो ।
त्यस्तै पालिका भित्रका सम्पुर्ण बिध्यालयका प्रअ हरुलाइ यो खोपको बारे प्रचारप्रसार गराउन आग्रह गर्नुभयो । खोप अभियानको समयमा स्वास्थकर्मीहरुलाई बिदामा नबस्न निर्देशन दिनुभयो । पाठेघरको मुखको क्यान्सर जस्तो खतरनाक रोगबाट बचाउन यो खोप अत्यन्तै प्रभावकारी रहने बताउनुभयो । अभिभावकहरूलाई आफ्ना छोरीहरुलाई खोप लगाउनको लागि प्रेरित गर्न आग्रह गर्नुहुदै खोप अभियान सफलताको शुभकामना ब्यक्त गर्नुभयो ।
जनस्वास्थ्य कार्यालय काभ्रेका खोप अधृकृत पार्थमणी न्यौपानेले यो खोपको बारे प्रस्ट पार्नुभयो । यो खोप लगाएपछी कोहिकोहिमा देखा पर्नसक्नेसामान्य लक्षण र असरहरुको बारे जानकारी दिनुभयो । उहाँले यो खोपको मात्रा र खोप लगाउने बिधि, खोप दिन नहुने अवस्थाहरु, खोप दिने स्वास्थ्यकर्मीहरुले ध्यान दिनुपर्ने विशेष अवस्थाहरु, एच पि भि खोपको कोल्डचेन (तापक्रम) ब्यबस्थापनका बारे स्वास्थ्यकर्मीलाई बताउनुभयो ।
त्यसैगरी, खोपको प्रभावकारिता, खोप अभियानको र नियमित खोपको प्रतिवेदन तयार बारे, खोप कार्डबारे, खोप सेसन तयारी , खोप केन्द्र सन्चालन गर्न आवस्यक पर्ने सामाग्रीहरु, खोप सञ्चालनका पुर्व तयारी , प्रयोग गरेका सिरिन्ज निडिल र अन्य फोहोर ब्यबस्थापन लगायतको बारेमा प्रकाश पार्नुभयो । अस्पतालबाट भन्दा बिद्यालयबाट खोप अभियान बढी प्रभावकारी हुने भएकाले बिद्यालयहरुबाट खोप अभियान सञ्चालन गरिएको उहाँको भनाई छ ।
त्यसैगरी मेथिन्कोट अस्पतालका मेडिकल सुपरिटेन्डेन्ट अच्युत पौडेलले खोप लगाइसकेपछी देखिने अवान्छित लक्षणहरु, यस्ता लक्षणहरुको स्थानीय स्तरमै ब्यबस्थापन तथा उपचारको तरिकाको बारेमा प्रस्ट पार्नुभयो ।
काभ्रे जिल्लामा यो खोप अभियान दुई चरणमा हुनेछ । पहिलो चरण माघ २२ गते मंगलबारबाट सुरु भएर माघ २९ गतेसम्म सञ्चालन हुने छ । पहिलो चरणमा धुलिखेल र बनेपा नगरपालिका, पनौति नगरपालिका, पाँचखाल नगरपालिका, बेथानचोक गाउँपालिका, खानीखोला र महाभारत गाउँपालिकामा खोप अभियान सञ्चालनमा भैसकेको छ ।
दोस्रो चरण फागुन १ देखि ६ गतेसम्म सञ्चालन हुनेछ । यो समयमा नमोबुद्ध नगरपालिका, मण्डनदेउपुर नगरपालिका, रोशी गाउँपालिका, तेमाल गाउँपालिका, भुम्लु गाउँपालिकाका र चौंरीदेउराली गाउँपालिकाका किशोरीलाई खोप लगाइने छ ।
यो अभियानमा कक्षा ६ देखि १० सम्मका किशोरीहरु लक्षित वर्गमा छन् । त्यस्तै १० देखि १४ वर्ष उमेर समूहका किशोरी छन् । विद्यालय बाहिर समेत यो उमेर समूहका किशोरी भएकाले छुट्टै खोप केन्द्र मार्फत उनीहरुलाई खोप लगाइनेछ । कार्यक्रममा सम्पुर्ण वडाका वडा अध्यक्षहरु, नगरपालिका नगर युवा परिषद् कार्यकारी उपाध्यक्ष रामेश्वर अधिकारी, कार्यपालिका सदस्यहरु, बिभिन्न शाखाका शाखा प्रमुखहरु लगायतको सहभागिता रहेको थियो ।
नमोबुद्द नगरपालिकामा फागुन १ देखि ६ गतेसम्म सञ्चालन हुने खोप अभियान अन्तर्गत नगरपालिका भित्रका बिभिन्न स्थानमा २१ वटा खोप केन्द्र तोकिएका छन् । ९७२ जना लक्षित बर्गका किसोरीहरुलाई खोप लगाईने लक्ष्य राखिएको छ ।
यस्तो छ नमोबुद्धमा खोप अभियान कार्यक्रम तालिकाः
वडा नं. १ मा फागुन १ गते मथुरापाटि मा.वि र लक्ष्मीनारायण मा.वि मा खोप लगाईने छ ।त्यसैगरी वडा नं. २ मा फागुन १ गते गा्रमीण पाठशाला, २ गते भिमेश्वर आ.वि, ४ गते जनकल्याण मा.वि मा खोप लगाईने छ ।वडा नं. ३ मा फागुन १ गते राम मा.वि चरुवा, २ गते कृष्ण मा.वि गहतेमा खोप लगाईने छ ।
वडा नं. ४ मा फागुन १ गते जनक मा.वि, २ गते सँसारीदेवी आ.विमा खोप लगाईने छ । वडा नं. ५ मा फागुन २ गते सातमुल मा.वि बोहोरे, १ गते कानपुर मा.वि मा खोप लगाईने छ ।
त्यसैगरी, वडा नं. ६ मा फागुन १ गते कालिगँगा आ.वि, वडा नं. ७ मा फागुन १ गते नव प्रतिभा ई. बोर्डिङ स्कुल, २ गते सगुन बिद्या मन्दिर, ४ गते जनहित मा.वि मा खोप लगाईने छ ।
वडा नं. ८ मा फागुन १ गते दाप्चा मा.वि, सेतिदेवी आ.वि मा खोप लगाईने छ ।
वडा नं. ९ मा फागुन १ गते कृष्ण मा.वि, २ गते व्क्ष्ल्क्ग्ल्ःभ् स्कुलमा खोप लगाईने छ ।
वडा नं. १० मा फागुन १ गते बालउज्वल मा.वि मा र वडा नं. ११ मा फागुन १ गते आधारभुत स्वास्थ्य सेवा केन्द्र कुरुगाँउमा खोप लगाईने छ ।
