काभ्रे,
नेपाली कांग्रेसले भुम्लुमा नेता, कार्यकर्ता र जनप्रतिनिधीविच बृहत अन्तरक्रिया गरेको छ । जिल्ला कार्यसमितिले भुम्लुमा गरेको घुम्ती बैठकपछि भुम्लु गाउँपालिका कार्यसमितिको आयोजनामा भुम्लुमा बृहत अन्तरक्रिया गरी पार्टी संगठन, विकास निर्माण र वर्तमान राजनीतिक परिदृश्यबारे चर्चा गरिएको हो ।
कार्यक्रमलाई सम्बोधन गर्दै नेपाली कांग्रेस काभ्रेका सभापति तीर्थ लामाले पछिल्लो समय सामन्तबादको अवशेषहरु चल्मलाउन थालेको भन्दै मुलुकलाई द्वन्दमा जानबाट रोक्न त्यस्ता प्रवृतीको डटेर प्रतिवाद गर्नुपर्ने बताउनुभयो । कांग्रेसको नेतृत्वमा आएको संविधानको रक्षा गर्ने दायित्व पनि कांग्रेसकै भएको बताउनुभयो । नेपाली कांग्रेस काभ्रेलाई सबैको आशा एवं भरोसाको केन्द्र बनाएर एकताका साथ अघि बढ्ने जनाउँदै उनले कांग्रेसको नेतृत्वमा भएका सबै विकास निर्माणका काम पुरा गर्ने बताउनुभएको छ ।
कार्यक्रममा उपसभापति ठाकुर न्यौपाने, पुर्वउपसभापति अच्युत पौडेल, प्रतिनिधि सभा क्षेत्र नं १ का सभापति एवं रोशी गाउँपालिका अध्यक्ष दिनेश लामा, प्रदेश सभापति हेमकुमार तामाङ, पूर्व जिल्ला सदस्य गोबिन्द पराजुली, महाधिबेशन प्रतिनिधि मन्जु शाह ठकुरीलगायतले कांग्रेसको नेतृत्वमा विकास निर्माणका धेरै काम भएको चर्चा गर्दै त्यसको प्रचारप्रसार गर्न अनुरोध गरेका छन ।
कार्यक्रममा कांग्रेस क्षेत्रीय सदस्य भोजराज उप्रेती, नवराज उप्रेती, नेपाली कांग्रेस भुम्लुका सचिव सदिक्षा तामाङ, अनन्तराज लामा, वडा नं २ का अध्यक्ष सुजन भण्डारी, वडा न ५ का अध्यक्ष अञ्चल कुमार मोक्तान, वडा नं १० का सभापति शंकर तामाङ, वडा नं ७ का सभापति पेमा लामा, नेपाल शिक्षक संघ भुम्लुका अध्यक्ष गोबिन्द खरेल, तरुण दल भुम्लु ८ का सचिव शंकररमण उप्रेती, वडा न ९ का सदस्य शान्ति ठकुरी लगायतले नेपाली कांग्रेस भुम्लुका सभापति एवं गाउँपालिका उपाध्यक्ष जितेन्द्रमान तामाङ (दावा लामा) को पहल र नेतृत्वमा भुम्लुमा धेरै विकास निर्माणको काम भएको भन्दै जिल्ला सभापति तीर्थ लामामार्फत शुरु भएका खानेपानी र सिंचाई लगायतका विकास निर्माणका काम पुरा गर्दै सडक पूर्वाधारका काम गर्नुपर्ने औल्याएका छन् ।
नेपाली कांग्रेस भुम्लुका सभापति एवं गाउँपालिका उपाध्यक्ष जितेन्द्रमान तामाङ (दावा लामा) ले जिल्ला कार्यसमितिका बैठक एवं अन्तरक्रिया कार्यक्रमले उर्जा थपेको भन्दै १० वटै वडामा नेपाली कांग्रेसलाई जिताउने गरी लाग्ने प्रतिवद्धता जनाउनुभएको छ । उहाँले कांग्रेसले मात्रै विकास गर्छ भन्ने सन्देश गएको भन्दै उनले त्यसको निरन्तरताको लागि पार्टी नेतृत्वलाई अनुरोध गर्नुभएको छ । गत असोज १० देखि १२ गतेसम्मको अबिरल बर्षापछिको बाढी र पहिलो भुम्लुका ग्रामिण सडक चल्ने अवश्थामा नभएको भन्दै विपद व्यवस्थापनको लागि प्रदेश र संघमार्फत बजेटको लागि पहल गरिदिन अनुरोध गर्नुभयो ।
कार्यक्रममा स्वतन्त विद्यार्थी युनियन (स्ववियु) निर्वाचनमा प्रकाश क्याम्पस भुम्लुटारमा सर्वसम्मत भएका नेपाल विद्यार्थी संघतर्फबाट सभापति नविन रिजाल, कोषाध्यक्ष सलिना खत्री, सदस्य अनिलकुमार लामा, सरिता गहतराज, मनिका पन्तलाई बधाई ज्ञापन गरिएको छ ।
