काभ्रे,देबराज उप्रेती,
सप्ताहव्यापी १०औँ राष्ट्रिय पोल्ट्री दिवस आज सम्पन्न भएको छ । पुस १७ गतेबाट बिभिन्न स्थानमा विभिन्न कार्यक्रमको आयोजना गरि मनाईएको १०औँ राष्ट्रिय पोल्ट्री दिवस आज काभ्रे जिल्लाको पूर्वी प्रवेशद्धार रोशी गाउँपालिका वडा नं ९ मङ्गलटारमा सम्पन्न भएको हो । भेटेनरि अस्पताल तथा पशु सेवा बिज्ञ केन्द्र काभ्रेपलाञ्चोक धुलिखेलको आयोजना तथा पोल्टि व्यवसायी मन्च नेपाल काभ्रेपलाञ्चोकको सहआयोजनामा भएको कार्यक्रममा काभ्रेमा पोल्ट्री व्यवसायको सम्भाव्यता र चुनौतिहरुको बिषयमा उपस्थित अतिथिहरुले आ–आफ्नो धारणा प्रस्तुत गरेका छन् ।
कार्यक्रमलाई सम्बोधन गर्दै सहयोगी संस्था कब नेपाल प्रालिका अध्यक्षले नेपालमा पोल्टि व्यवसायले बेरोजगारीलाई न्युनीकरण गर्न मद्धत गरेको बताउनुभएको छ । उँहाले कुखुरा पालन व्यवसायले मासु सँगसँगै खेतबारीमा प्रयोग गर्न मल पनि उत्पादन हुने हुँदा नेपालमा पोल्ट्री व्यवसाय एकदमै महत्वपुर्ण रहेको बताउनुभयो ।
त्यसैगरी गाउँपालिका अध्यक्ष दिनेश लामाले रोशी सरकारले समृद्ध रोशी चाहेको बताउनुभएको छ । उँहाले रोशी समृद्ध हुनको लागि सबैभन्दा पहिला जनताको आयस्तरमा बृद्धि,जिबनस्तरमा सुधार हुन आवश्यक रहेको बताउनुभयो । गाउँपालिकाभित्रको सबै क्षेत्र पोल्टी व्यवसायको लागि उपर्युक्त रहेको बताउदै रोशीका युवाहरुलाई पोल्टी व्यवसायमा लाग्न आग्रह गर्नुभएको छ । समापन कार्यक्र्रममा बिभिन्न सहयोगि सँस्थाहरुलाई सम्मानपत्रद्धारा सम्मानित गरिएको थियो ।
पछिल्लो समय काभ्रेपलाञ्चोकमा १३ ह्याचरी, तीन सय ५० ब्रोइलर फार्म, दुई ग्राण्ड प्यारेन्ट उत्पादन गर्ने फार्म र ११ दाना उद्योग सञ्चालनमा छन् । यहाँ १७ हजारभन्दा बढी व्यक्ति रोजगारीमा संलग्न भएका छन् भने करिब रु १२ अर्ब लगानी रहेको छ । छिमेकी देश भारतबाट भित्रने अवैध कुखुरा तथा चल्ला नियन्त्रणका गर्ने थप अभियानअन्तर्गत मङ्गलटारमा हालसालै जाँचचौकी स्थापना गरिएको छ । जिसस प्रमुख दिपक कुमार गौतको प्रमुख आतिथ्यतामा भएको समापन कार्यक्रममा प्रमुख जिल्ला अधिकारी हुमकला पान्डे, गाउँपालिका अध्यक्ष दिनेश लामा,उपाध्यक्ष मिम बहादुर वाईबा, वडा अध्यक्ष सिसिर लामा एवं पोल्ट्री व्यबसायमा आबद्ध व्यक्तिहरुको सहभागिता रहेको थियो ।
