काभ्रे,
तेमाल बृहत खानेपानि आयोजनाको खानेपानी ट्याङ्की संरक्षणका लागि ईस्टमेट तथा स्थल निरिक्षण गरिएको छ । तेमाल गाउँपालिका वडा नं ३ का अध्यक्ष बिष्णु बहादुर तामाङको नेतृत्वमा आयोजनाका प्राविधिक इन्जिनियर एवं उपभोेक्ता समितिका सदस्यहरुले प्राविधिक ईस्टमेट तथा ठाउँ निरीक्षण गरेका हुन् । नदिको किनारमा निर्माण गरिएको खानेपानी ट्याङ्की सुनकाशी नदिको बहाव बाट बचाउनका निमित्त ट्याङ्की वरपर ग्याविन लगाउनका लागि ईस्टमेट तथा स्थल निरिक्षण गरिएको हो ।
बाग्मति प्रदेश सरकारको पन्ध्र लाख बजेट बाट आयोजनाको निर्माण कार्य सुरु गरिने बताइएको छ । ‘अहिले हामी प्राविधिक ईस्ट्मेट तथा ठाउँ निरीक्षणको क्रममा छौ, प्राविधिक ईस्ट्मेट तयार भएको एक डेढ महिनापछि निर्माण कार्य सुरु गर्ने योजनामा छौ’ वडा अध्यक्ष तामाङले भन्नुभयो । तेमाल बृहत खानेपानि आयोजना निर्माण सम्पन्न पश्चात तेमालका साथसाथै छिमेकी नमोबुद्ध नगरपालिकाका नागरिकहरु पनि लाभान्विंत हुने बताईएको छ ।
