रोशी सहकर्मी–चैत्र २४,
२०७६,काभ्रे/

पाँचखाल नगरपालिकाले कोरोना (कोभिड १९) को संक्रमण न्यूनीकरण तथा रोकथामका लागि एक वडाबाट अर्को वडामा जान रोक लगाएको छ । संघीय सरकारले निर्णय गरेको भोलिपल्ट पाँचखालको ६२ औ बैठकले एक वडाबाट अर्को वडामा जान रोक लगाएको नगर प्रमुख महेश खरेलले जानकारी दिनुभयो ।

तर तरकारी, दूध, औषधी र खेतबारीमा काम गर्ने कृषक बाहेक सोमबार देखि अरुलाइ एक वडाबाट अर्को वडामा जान रोक लागएको हो । लकडाउन भएपनी स्थानीयले नियममा नबसेको भन्दै बैंठकले मदिरा जन्य पसलहरु सबै बन्द गराउने, वडा भित्र रहेका खाद्यान्न पसलहरु हप्तामा २ दिन सोमबार र शुक्रबार खोल्ने, नगरभित्र रहेका होलसेल पसल हप्तामा १ दिन सोमबारमात्र खोल्न पाउने समेत निर्णय गरेको नगर प्रमुख खरेलले जानकारी दिनुभयो ।

त्यस्तै बैठकले कोरोना भाइरस नियन्त्रण, रोकथाम एवं सरसफाइमा नगरपालिकाबाट खटिने जनप्रतिनिधि, स्थायी, अस्थायी तथा करारका कर्मचारीको कोरोनाको कारण मृत्यु भएमा निजको परिवारलाई २५ लाख उपलब्ध गराउने निर्णय गरेको छ ।

Facebook Comments