काभ्रे,
पनौती नगरपालिकाको सहकारीबाट आज विहान ३२ देखि ३३ लाख रुपैँया रकम चोरी भएको छ । वडा नम्बर ४ टौखालमा रहेको सामुदायिक बचत तथा ऋण सहकारी संस्था लिमिटेडको मुख्य कार्यालयमा चोरी भएको हो । ५ जनाको समूहमा आएका अपरिचित ब्यक्तिको समूहले सहकारीमा डकैती गरेका हुन् ।
सीसीक्यामेराले फुटेज कैद गरेपनि चिन्न सकिने अवस्था भने नरहेको बताइएको छ । हिजो बचत संकलन भएको ३२ देखि ३३ लाख रुपैँया रकम चोरी भएको बताइएको छ । चोरी भएको घटना थाहा पाउनसाथ प्रहरी घटना स्थलमा पुगेको थियो । अनुसन्धान थालिसकेको प्रहरीले जनाएको छ । शुरुमै गार्डलाई नियन्त्रणमा लिएर डकैती गरेको सीसीक्यामेरामा देखिन्छ ।
