काभ्रे,
काभ्रे जिल्लाको बेथान्चोक गाउँपालिकाले सामाजिक सुरक्षा भत्ता प्राप्त गरिरहेका लाभग्राहीहरुलाई सामाजिक सुरक्षा परिचयपत्र नवीकरण गर्न अपिल गरेको छ । गाउँपालिकाले एक सुचना जारी गर्दै २०८०÷८१ मा भत्ता प्राप्त गर्नका लागि सामाजिक सुरक्षा नियमावली, २०७६ (संशोधन सहित) को नियम ९ बमोजिम आर्थिक वर्ष २०८०÷०८१ का लागि २०८० भाद्र मसान्त भित्र सम्बन्धित वडा कार्यालय मार्फत अनिवार्य रुपमा परिचयपत्र नवीकरण गर्न गराउनु हुन अनुरोध गरेको हो ।
तोकिएको समयमा सामाजिक सुरक्षा परिचयपत्र नवीकरण नभए प्रणाली मार्फत स्वतः लगत कट्टा हुने र त्यस्ता लाभग्राहीले पुनः सामाजिक सुरक्षा ऐन, २०७५ को दफा १२ बमोजिम नयाँ लाभग्राही सरह आवेदन दिनु पर्ने सुचनामा उल्लेख गरीएको छ ।
परिचयपत्र नवीकरण गर्न आवश्यक कागजातहरुः
१.सामाजिक सुरक्षा भत्ता लाभग्राही परिचयपत्र
२.नागरिकताको फोटोकपी
३.दुई प्रति फोटो (पासपोर्ट साईजको)
४.एकल महिलाको हकमा पतिको मृत्यु दर्ता
५.अपाङ्गताको हकमा अपाङ्गताको परिचयपत्र
६.बाजे बज्यै सहितको तीन पुस्ते विवरण
