रोशीद्वारा प्रहरीलाई बिपद सामग्री हस्तान्तरण

रोशी ।
जिल्लाको रोशी गाउपालिकाद्वारा इलाका प्रहरी कार्यालय मङ्गलटारलाइ बिपदको वेला प्रयोग गर्ने सामग्री हस्तान्तरण गरेको छ । गाउँपालिका अध्यक्ष दिनेश लामा, उपाध्यक्ष मिमबहादुर वाइबा र प्रमुख प्रशासकीय अधिकृत राम बाहादुर तामाङ लगायतले इलाका प्रहरी कार्यालय मंगलटारका प्रमुख तथा प्रहरी निरीक्षक पन्चलाल गोलेलाइ सामग्री हस्तान्तरण गरेका हुन
गाउँपालिकाद्वारा लाइफ ज्याकेट ५ थान, रेस्क्यु बुट ५ जोर, रुख काट्ने मेसिन एक थान, आगो निभाउने मेशिन एक थान र रेस्क्यु हेल्मेट ५ थान हस्तान्तरण गरेका हुन ।
आपतकालीन अवस्थामा उद्धारमा प्रयोग हुने सामग्री हस्तान्तरणले उद्धारमा केही हदसम्म भएपनी सहयोगपुग्ने गाउपालिका अध्यक्ष दिनेश लामाले बताए । रोशी गाउँपालिकाको धेरै भुभाग बीपी राजमार्गमा पर्ने भएकाले जतिखेर पनि बिपत्ति पर्नसक्ने भएकाले सामग्री हस्तान्तरण गरेको उनको भनाइ छ । बिपदमा उद्धारका लागि सहयोग पुग्ने सामग्री गाउपालिकाले प्रदान गरेको भन्दै प्रहरी निरीक्षक गोलेले धन्यवाद व्यक्त गरे ।