यश कुमार परियार-साउन २४,
२०७७,काभ्रे/

काभ्रेमा आज मात्रै छ जनामा कोरोना पुष्टि भएको छ । यो अहिले सम्मकै उच्च संख्यामा कोरोना संक्रमित फेला परेको हो । कोरोना संक्रमण पुष्टि हुनेमा पाँच प्रहरी र एक स्वास्थ्यकर्मीमा कोरोना पुष्टि भएका हो ।

बनेपा नगरपालिकामा रहेको संघीय प्रहरी इकाईमा कार्यरत पाँच प्रहरी र बनेपा मै रहेको शिर मेमोरियल अस्पतालमा कार्यरत एक स्वास्थ्य कर्मीलाई कोरोना पुष्टि भएको स्वास्थ्य कार्यालय काभ्रेका बरिष्ठ स्वास्थ्य प्रशासक डा. नरेन्द्रकुमार झाले जानकारी दिए । उनका अनुसार संक्रमितलाई धुलिखेल र बनेपा अस्पतालको आइसोलेसन वार्डमा राखिएको छ ।

जिल्लामा दिन दिनै सक्रमितको संख्या बढ्न थालेको छ । शुक्रबार धुलिखेल नगरपालिका दुई र बनेपा नगरपालिकाका एक जनामा कोरोना पुष्टि भएको थियो । यो सँगै जिल्लामा संक्रमितको संख्या ४० पुगेको छ । संक्रमित मध्ये २७ जना निको भएर घर फर्किएका छन भने बाँकी १३ जनाको आइसोलेसनमा राखेर उपचार भइरहेको स्वास्थ्य कार्यालय काभ्रेले जनाएको छ ।

Facebook Comments