रोशी सहकर्मी–कार्तिक २५
दाप्चा/

जिल्लाको नमोबुद्ध नगरपालीका वडा नं. ८ मा एक दम्पतीको घरभित्र भएको विभत्स हत्याको छानविन अब केन्द्रीय अनुसन्धान ब्यूरो (सिआइबी) ले गर्ने भएको छ । नमोबुद्ध नगरपालिका तल्लो हटियाका एक वृद्ध दम्पतीको हत्या भएको एक हप्तापछि ब्युरोका प्रहरी नायब उपरीक्षक हरि बस्नेतको नेतृत्वमा पाँच जनाको टोली अनुसन्धानमा खटाइएको हो ।
गत १८ गते सोमबार राति धारिलो हतियार प्रहार गरी हत्या भएको अवस्थामा भोलीपल्ट बिहान ५५ वर्षका श्यामकृष्ण श्रेष्ठ र उनकी पत्नी ५० वर्षकी रुकुमायाको शव क्षतविक्षत अवस्थामा भेटिएको थियो । घटनापछि अनुसन्धानका क्रममा प्रहरीले २० जनालाई नियन्त्रणमा लिएको थियो । पक्राउ परेका मध्य अन्य तारेखमा छुटेको र हाल तीन जनालाई हिरासतमा राखी थप अनुसन्धान भइरहेको जिल्ला प्रहरी प्रमुख सापकोटाले बताए । थप अनुसन्धानमा मद्दत गर्न सिआइबीको टोली घटनास्थल पुगेको उनले बताए । घरमा नै चिया पसलको साथमा मदिरा पनि विक्रि गर्ने गरेका दम्पतीको हत्या भएपछि गाँउनै त्रसित भएको छ ।

Facebook Comments