काभ्रे,
महाभारत दम्पति हत्या प्रकरणको २२ दिन वितिसक्दा पनि हत्यारा पत्ता नलगाएको भन्दै पीतिहरुले धुलिखेलमा प्रदर्शन गरेका छन् ।गत जेठ ७ गते महाभारत गाउँपालिका वडा नम्बर ४ का मान बहादुर बल श्रीमती केकै माया तामाङनीको विभत्स हत्या भएको थियो ।हत्या भएको २२ दिन वितिसक्दा पनि हत्यारा पत्ता नलगाएको भन्दै उनीहरुले न्याय माग्दै आज जिल्ला सदरमुकाम धुलिखेलमा प्रदर्शन गरेका हुन् ।
पीडितहरुले जघन्य अपराधमा पनि राजनीति भएको गुनासो गरेका छन । घटनाको निश्पक्ष छानविनमा समेत उनीहरुको आशंका छ । प्रदर्शनमा सहभागीहरुले मान्छे मार्न पाइँदैन, जघन्य अपराधी लुकाउन पाइँदैन, प्रहरी अनुसन्धान निश्पक्ष गर, न्यायको ढोका खुल्ला गर, किटानी जाहेरी लागु गर लगायतका नारा लेखिएका प्ले कार्ड सहित प्रदर्शन गरेका छन ।
