काभ्रे,
रोशी गाउँपालिकाले नेपाली हिन्दु नारीहरुको महान चाड हरितालिका तिजको अवसरमा शुभकामना आदान प्रदान गर्दै तीज विशेष कार्यक्रम मनाएको छ । आज गाउँपालिका अध्यक्ष दिनेश लामाको प्रमुख आतिथ्यता एवं १० नं वडाका वडा सदस्य तिलकुमारी साहीको सभाध्यक्षतामा तीज विशेष (दर खाने) कार्यक्रम मनाईएको हो । कार्यक्रमका प्रमुख अतिथि लामा तथा बिभिन्न वडाका वडा अध्यक्षहरुले नारी स्वतन्त्रताको पर्व तीजको शुभकामना व्यक्त गर्नुहुदै महिला दिदिबहिनीहरुको महान पर्व हरितालिका तीज पर्व दिदिबहिनी बीच माया, सद्भाव, स्नेह साटासाट गर्ने पर्व भएको बताउनुहुदै सरल र मितव्ययी तरिकाले पर्व मनाउन आग्रह गर्नुभयो ।
गाउँपालिकाको महिला विकास शाखाको आयोजनामा भएको कार्यक्रममा पालिकाका महिला कर्मचारीहरुले तिजको भाकामा नृत्य प्रस्तुत गरेका थिए ।
कार्यक्रममा बिभिन्न वडाका वडा अध्यक्षहरु, महिला जनप्रतिनिधिहरु, वडा कार्यालय एवं स्वास्थ्य संस्थाहरुमा कार्यरत महिला कर्मचारीहरु लगायत पालिका भित्रका महिला दिदिबहिनीहरुको सहभागीता रहेको थियो ।
