काभ्रे,
अविरल बर्षासँगै आएको बाढी, पहिरो, डुबान लगायतका प्राकृतिक विपद्का घटनामा परी काभ्रे जिल्लामा मृत्यु हुनेको संख्या ७२ पुगेको छ । पछिल्लो बिवरण अनुसार विपद्का घटनामा परी जिल्लामा ७८ जना घाईते भएका छन् भने ५ जना अझै वेपत्ता रहेको जिल्ला प्रहरी कार्यालय काभ्रेले जनाएको छ । वेपत्ता भएकाहरुको खोजिकार्य भईरहेको छ । हालसम्म ५७ जना उपचारपछि घर फर्किसकेका छन् भने २१ जना अझै उपचारत रहेको प्रहरीले जनाएका छन् ।
बाढी पहिरोमा परेर रोशी क्षेत्रमा मात्रै १२ जनाले ज्यान गुमाएका छन् । रोशीको अधिकाशं घरहरुमा क्षति पुगेको छ । खेतीयोग्य जमिन र बाली नाली नष्ट भएका छन् । जिल्लामा हेलिबाट ८ सय ६७ जना र अन्यबाट ३ हजार २ सय ९९ जना उद्धार भएको छ । बिवरण अनुसार जिल्लामा सवारी साधनबाट ८ हजार ४ सय ७१ जनाको सवारीसाधनबाट उद्धार भएको प्रहरीले जनाएको छ ।
