काभ्रे,रेडियो रोशी,
काभ्रे जिल्लाको रोशी गाउँपालिकाले ३३ औं अन्तर्राष्ट्रिय अपाङ्गता दिवस बिबिध कार्यक्रम गरेर मनाएको छ । आज अपाङ्गता भएका व्यक्तिहरुको क्षमता प्रदर्शन गर्दै काभ्रे जिल्लाको रोशी गाउँपालिकाले ३३ औं अन्तर्राष्ट्रिय दिवस मनाएको हो। गाउँपालिकाका उपाध्यक्ष तथा अपाङ्गता समन्वय समिति अध्यक्ष मिम बहादुर वाईवाको अध्यक्षता एवम् गाउँपालिका अध्यक्ष दिनेस लामाको प्रमुख आतिथ्यतामा आज अपाङ्गता समन्वय समिति रोशी गाउँपालिकाको आयोजना, स्रोत ब्यवस्थापन तथा ग्रामीण शसक्तिकरण केन्द्र रिमरेक काभ्रेको सहजिकरण र सिबिएम ग्लोबल नेपालको साझेदारीमा गाउँपालिकाले ३३ औं अन्तर्राष्ट्रिय अपाङ्गता दिवस मनाएको हो ।
कार्यक्रममा पालिकाभित्र अपाङ्गता भएका ब्यक्तिहरुले आफुभित्र रहेका क्षमता प्रदर्शन गरेका थिए । उनीहरुले गायन, नृत्य, कथा, लगायत कलाहरु प्रस्तुत गरेका थिए । कार्यक्रममा उपस्थित भएका ३२ जना अपाङ्गता भएका व्यक्तिहरुलाई ५०० का दरले यातायात खर्च प्रदान गरीएको थियो ।
कार्यक्रममा गाउँपालिका प्रमुख प्रसाशकीय अधिकृत शिव प्रसाद भन्तना, गाउँपालिकाका प्रवक्ता एवं वडा नं १२ वडा अध्यक्ष बसन्त कुमार तामाङ, बिभिन्न वडाका वडा अध्यक्षहरु, पालिकाको बिभिन्न शाखाका कर्मचारी, अपाङ्गता भएका व्यक्तिहरुको संरक्षक लगायतको सहभागिता रहेको थियो ।
