काभ्रे,
तेमाल गाउँपालिकाका उपाध्यक्ष दलमान थोकरले जनताको स्वास्थ्यलाई गाउँपालिकाले पहिलो प्राथमिकतामा राखेको बताउनुभएको छ । हिजो (सोमबार) वडा नं. ९ मा गाउँपालिकाको आयोजनामा सम्पन्न नसर्ने रोग सम्बन्धी क्यान्सर, दम, सुगर सम्बन्धी अन्तरक्रिया कार्यक्रम वडा नं. ९ मा गाउँपालिकाका थोकरले यस्तो बताउनुभएको हो । उँहाले कार्यक्रमलाई सम्बोधन गर्दै गाउँपालिका भित्रका विभिन्न दिर्घरोगीहरुलाई निःशुल्क औषधि वितरण गर्ने प्रतिबद्धता जनाउनुभएको छ । जनताको स्वास्थ्यलाई गाउँपालिकाले पहिलो प्राथमिकतामा राखेको बताउँदै गाउँपालिका भरि जनताको स्वास्थ्य अवस्था बुझ्न शिविरहरु सञ्चालन गरिएको बताउनुभएको छ । उपाध्यक्ष थोकरले प्रेसर र सुगरको औषधि निःशुल्क रुपमा गाउँपालिकाबाट वितरण गरिने प्रतिबद्धता जाहेर गर्नुभएको छ । गाउँपालिकाका उपाध्यक्ष दलमान थोकरको प्रमुख आतिथ्यमा सम्पन्न कार्यक्रममा मेथिनकोट अस्पतालका डाक्टरहरु, गाउँपालिका स्वास्थ्य शाखा प्रमुख शिवहरि पाठक, बिभिन्न वडाका वडा अध्यक्षहरु एवं स्थानियहरुको उपस्थिति रहेको थियो ।
