रोशीको राष्ट्रपति रनिङ शिल्डको प्रथम उपाधि हिमालय मावि रोशी–६ लाई

काभ्रे,

रोशी गाउँपालिकामा सुभारम्भ भएको पालिका स्तरिय राष्टपति रनिङ शिल्ड खेलकुद प्रतियोगिता –२०७८ सम्पन्न भएका छ । “हाम्रो लक्ष्य राष्ट्रको सार, खेलकुद विकास स्वास्थ्य समाजको आधार” भन्ने मूल नाराका साथ रोशी गाउँपालिकाले सुभारम्भ गरेको पालिका स्तरिय राष्टपति रनिङ शिल्ड खेलकुद प्रतियोगिता हिजो सम्पन्न भएको हो । खेल ३ दिन सम्म लगातार संञ्चालन भएको थियो ।

प्रतियोगितामा हिमालय मावि रोशी–६ प्रथम, पञ्चकन्या मावि रोशी–१० द्वितीय र मंगलजनविजय मावि रोशी–९ तृतीय स्थानमा पर्न सफल भएको छ । प्रतियोगिताको व्यवस्थापन रोशी माविले गरेको थियो । रोशी माध्यमिक विद्यालय कटुन्जेवेशीमा भएको उक्त प्रतियोगितामा भलिबल, कबड्डी, एथलेटिक्स, हाइजम्प, लङजम्प, सटफुट जस्ता विधामा प्रतियोगिता भएकोे शिक्षा शाखाका प्राविधिक सहायक राजेन्द्र सिग्देलले जानकारी दिएका छन् ।