काभ्रे,
रोशी गाउँपालिकाको सडक खण्ड अन्तर्गत रहेको चौकी डाँडा खहरेपाँगु सडक आज गाउँपालिका अध्यक्ष दिनेश लामाद्धारा अनुगमन भएको छ । अनुगमनका क्रममा अध्यक्ष लामाले गाउँपालिकाको न्यूनतम मापदण्ड अनुरुप निर्माण भइरहेको जानकारी दिनुभयो । चौकी डाँडा खहरेपागु सडकको थानसिङवेशी सडक खण्डमा ५ मिटर कालो पत्रे हुने र ८ मिटरको सडक हुनुपर्ने प्रावधान अनुरुप प्राविधिक टोली सहित आज अनुगमन गर्दा आवश्यक मालमेटल सहित तोकिएको समयमा सम्पन्न गर्नको निम्ति निर्माण कार्य गुणस्तरीय ढंगले तीब्र रुपमा भइरहेको बताउनुभयो ।
त्यसैगरी रोशी गाउँपालिकाले भूमिडाँडा निर्माण सेवा प्रा.लि.लाई ८४ लाख २२ हजारमा सम्झौता गरिएकोमा गुणस्तरको मामिलामा कुनै पनि कसुर बाँकी नराखी अबको २ महिना भित्रमा कालोपत्रे हुने उक्त निर्माण सेवाका प्रतिनिधि ज्ञान ध्वज लामाले जानकारी दिनुभयो ।
स्थानीयवासी अजुन न्यौपाले उक्त सडक निर्माण हुदै गर्दा अन्य रोशी ७ मात्र नभई महाभारत गाउँपालिका लगायत रोशीका १ देखि ७ सम्मका बासिन्दालाई धेरै सहज हुने बताउनुभयो । स्थानीय सरकार साँच्चै नै गाउँगाउँमाआएको अनुभव भएको बताउनुभयो । यस अघि सडक नहँुदा एम्बुलेन्स, दुग्धजन्य वस्तु, कृषिबाली, तरकारी लगायत अन्य यातायात पोटा खोलाको कारण धेरै जोखिम भएको र हाल पुल र सडक निर्माण गरे पश्चात निकै सहज भएको बताउनुभयो ।
