काभ्रे,
काभ्रे जिल्लाको पाँचखाल नगरपालिका स्थित श्री महाँकाल माध्यमिक विद्यालयको ३३ औ वाषिकोत्सव सम्पन्न भएको छ । नगरप्रमुख महेश खरेलेका प्रमुख आतिथ्यतामा पाँचखाल नगरपालिका १० बेलामा अवस्थित श्री महाँकाल माध्यमिक विद्यालयको आज ३३ औ वार्षिकउत्सवको अवसरमा विद्यालयको पूर्व शिक्षक, पूर्व प्रधानाध्यापक, २०७६ सालदेखि २०७८ साल सम्ममा विद्यालयबाट एस.ई.ई. परीक्षामा उतिर्ण विद्यार्थीहरुलाई विदाई तथा सम्मान गरिएको हो । कार्यक्रममा मन्तव्य राख्दै नगरप्रमुख महेश खरेलले बालबालिकाको शिक्षामा अभिभावकको महत्वपूर्ण भूमिका रहने बताउदै अभिभावकहरुलाई आफ्नो बालबालिकाको शिक्षामा चासो दिन आग्रह गर्नुभएको छ । उहाँले विद्यार्थीहरुलाई कितावको ज्ञानसँगसँगै व्यवहारिक र प्रयोगात्मक ज्ञान दिन आवश्यक रहेको बताउनुभयो । विद्यालयमा यातायातको
लागि थप सहजीकरण गर्ने, विद्यालयको जिर्ण भवन हटाई पक्की भवन बनाउन नगरले सकेको सहयोग गर्ने प्रतिवद्धता व्यक्त गर्नुभयो । नगरको सहयोगले मात्र विद्यालयको मुहार फेर्न नसक्ने बताउदै उहाँले सहयोगी अभिभावकहरुलाई सहयोगको निम्ति आग्रह गर्नुभयो । विद्यालयको आँगनमा टायल राख्न आवश्यक रहेको बताउनुभयो । कार्यक्रममा विद्यालयको पूर्व शिक्षक केदार प्रसाद घिमिरेले विद्यालय विकासका लागि सहयोग स्वरुप १ लाख ११ हजारको चेक हस्तान्तरण गर्नुभएको छ ।
कार्यक्रममा विद्यार्थीहरुले आउदै गरेको विजया दशमी तथा शुभ दीपावलीको अवसरमा सन्देश मुलक नाटक, नृत्य, गायन प्रस्तुत गरेका छन् भने विद्यालयको यस वर्षको उत्कृष्ट एक छात्र र एक छात्रालाई पुरस्कृत गरिएको छ । कार्यक्रमलाई सहज ढंगले अघि बढाउन स्वयम सेवक विद्यार्थी भाइबहिनीहरुले सहजीकरण गरेका छन् ।
नगरपालिका प्रमुख महेश खरेलेका प्रमुख आतिथ्यतामा भएको शिक्षक विद्यार्थी विदार्ई तथा नेपालीहरुको महान् पर्व दशै तिहारको. शुभकामना आदान प्रदान कार्यक्रममा विद्यालयका पूर्व प्रधानाध्यापक, पूर्व शिक्षक, विभिन्न वडाका वडा अध्यक्ष एवं सदस्य, विद्यालय व्यवस्थापन समिति, विद्यालयका सल्लाहकार, वाग्मती प्रदेश सामुदायिक वन अध्यक्ष, समाजसेवी, शिक्षाप्रेमी अभिभावक लगायतको सहभागिता रहेको थियो ।
